Nënkryetari i Kuvendit, Enver Hoxhaj, ka komentuar fjalën e kryeministrit Kurti në Kuvend sot, për të cilin ka thënë se ishte shumë i sinqertë, por që u tmerrua nga ajo çfarë dëgjoi.

“Mendoj që kryeministri ishte shumë i sinqertë me ne, por me thënë të drejtën jam i tmerruar me atë se çfarë dëgjova”, tha ai.

Para deputetëve, Hoxhaj tha se sjellja e Kurtit në raport me dialogun i ka sjellur fitore Serbisë, pasi nga qëllimi për të fituar njohje reciproke, Kosova tani ka kaluar në planin për ytë fituar vec normalizimin e marrëdhënieve.

“Marrëveshja nuk është as kontraktuale dhe as finale, kështu tha kryeministri Kurti. Po ashtu unë e lexoj këtë propozimin franko-gjerman për statusin social për kishat serbe që tejkalon atë me pakon e Ahtisaarit. Nga plani A për njohje të ndërsjellë kemi kaluar me planin B për normalizim. Por, nuk ka njohje reciproke dhe s’ka as normalizim. Sjellja e Kurtit me dialogun ia ka sjellur një fitore Serbisë. Kryeministri duhet të na informojë se a mund të arrihet njohja e ndërsjellë”, ka thënë Hoxhaj./arbresh.info